【洪荒魅力大爆發】「資優大會X澳門」擦出新火花 資料來源：澳門貿易投資促進局

俗語有云：書中自有黃金屋~

小編深明呢個道理，梗係「唔執輸」，幫大家「擔櫈仔，排頭位」，一睹呢個兩年一次嘅「第十四屆亞太資優教育大會」風采~

等小編話比大家知啦，呢個資優大會「好猛料」架！有幾猛，聽住啦~呢個會獲得ICCA認可~唔單止咁，一連四日嘅會議仲吸引左來自20個國家和地區，包括中國內地、美國、澳洲、英國、日本、俄羅斯、新加坡以及港澳台地區等近350位專家學者參與添~(真係猛人雲集啊~再一次證明左澳門接待唔同類型活動嘅軟硬件實力!!大愛啊~)

呢個大會致力於研究亞太地區資優教育發展，喚起對天才兒童潛能開發之重視~(嗱~兒童係我地社會未來嘅主人翁，今次資優大會黎澳門舉行，仲可以為澳門資優教育打開新一頁呢~)

嘩嘩嘩~~~認真不得了啊~小編收到風，原來澳門大學擊敗香港城市大學同香港中文大學等眾多「勁敵」，成功「俘虜」資優大會嘅「芳心」啊~

協調統籌 + 主辦單位有話兒~

澳門大學教育學院院長范息濤：澳門無論住宿、場地、飲食、娛樂等各類型會展配套都應有盡有，而且只要產官學三方共同合作，澳門的會議產業前途將無可限量。

負責協調統籌資優大會的項目經理江世波：澳門特別行政區政府與澳門大學係是次活動的競投及籌備方面支持十足，因而扭轉劣勢並成功脫穎而出。