[展覽業界Viva!!] 6月8日係“全球展覽日”啊!!!

 資料來源：澳門貿易投資促進局

作為“會展迷”嘅小編，近日聽到展覽業界好消息~

登登登~~就係由今年開始，將6月8日定為“全球展覽日”(Global Exhibitions Day)

係“全球展覽日”“全球展覽日”“全球展覽日”啊~(小編知道重要嘅事情要說三遍~)呢個節日係由國際展覽業協會(UFI)與國際展覽和項目協會(IAEE)共同推動訂定，係用黎彰顯展覽業對經濟嘅貢獻並作為展覽業從業人員共同慶祝嘅節日~

小編當然知道一個展覽由冇到有，背後嘅人力物力投放真係可想而知~所以小編係呢度都向一眾展覽從業員致敬啊~

澳門作為“盛會之都”，而且又以會展業作為經濟嘅新增長點，大家一定好有興趣想知澳門嘅會展業是怎樣煉成的~咁小編就趁呢個咁有紀念性嘅日子，同大家分享一下澳門嘅展覽業發展史啦~

展覽場地
澳門嘅展覽場地，係由1985年嘅1個，發展到2015年超過10個~展覽面積由超過1,000平方米，發展到超過140,000平方米~(屈指一算，即係約莫每3年就新增1個展覽場地；而展覽場地面積則平均每年增加超過4,600多平方米，真係不得了~)

展覽專業性
澳門歷來係東西方經貿、文化的交匯點，所以一直發揮平台的作用。由八十年代初期嘅展銷會，發展到現時多個專業展會。

而且經過多年嘅努力，係澳門舉辦且獲得UFI認證嘅展會，由2005年嘅1個，增至到2015年嘅4個，認真唔簡單啊~~

展覽會入場人次小編知道以前澳門唔太多市民認識展覽會，但隨住澳門會展業嘅興起，百花齊放下越黎越多市民搵到自己感興趣嘅展覽會。根據澳門統計暨普查局資料顯示，2015年全年展覽會入場人次約2,400,000人次。(嘩，又等小編計一計先，2015年平均每日有超過6,500人次出入展覽場，認真巴閉~)

拿，唔好話小編孤寒，提供埋澳門首個獲得UFI認證嘅“澳門國際貿易投資展覽會”去年嘅“成績表”比大家睇下啦~

小編“靜靜雞”話俾大家知，今年MIF將會係10月20至22日假澳門威尼斯人度假村酒店會展中心舉行~不容錯過哦~